Sesebutan Ka Jelema

Aki-aki:; lalaki nu geus kolot.

Baleg tampele; mangkat beger, wani di tukangeun ari di hareupeun era keneh.

Bijil bulu mayang; saharti jeung baleg tampele.

Budak gumelo; budak  nu can boga jeujeuhan (pikiran) kira-kira 2-4 taun.

Budak kamalole;budak nu nurutkeun kapercayaan baheula kudu diruat, lantaran aya tanda wisnu (tanda bodas) dina awakna, biasana rarungsing teu daek cicing bari yeu kanyahooan naon sababna atawa kasakitna,

Budak pahatu; budak nu ditinggalkeun maot ku indungna.

Budak yatim; budak nu ditinggalkeun maot ku bapana,

Budak pahatu lalis; budak nu teu boga indung jeung bapa.

Bujang; lalaki nu geus baleg, tapi can kawin.

Bujang jengglengan; jajaka tulen.

Beubeureuh; kabogoh (lalaki)

Bebene; kabogoh (awewe)

Cawene; parawan (awewe nu can kawin).

Cetuk dawuk; jalma nu geus kolot, buukna geus meh kabeh jadi huis.

Duda; lalaki nu geus kungsi boga pamajikan, tapi can kawin deui.

Galak sinongnong; budak lalaki nu geus mimiti aya sir ka awewe (sarua jeung baleg tampele, ngan geus aya kawani).

Kolot; jalma nu geus cukup umur, leuwih ti tengah tuwuh.

Kolot sapeuting; jalma kolot nu euweuh kanyaho (bodo), diupamakeun ka orok nu kakara dijurukeun sapeuting.

Kokolot begog; jalma nu nyanyahoanan kawas nu geus kolot, nyeta-nyeta kalakuan kolot.

Kontrong-kontrong; jalma nu geus kacida kolotna, leuwih ti aki-aki.

Lanjang; aweawe nu can kawin.

Ngomboan; lalaki nu geus mimiti beger ka awewe, sorana ngagedean.

Parawan; cawene, awewe nu can kawin.

Parawan jekekan; mojang tulen.

Randa/rangda; awewe nu geus diserahkeun, atawa ditinggalkeun maot ku salakina.

Randa bengsrat/kulanjar; randa nu saenyana parawan keneh, can sapatemon jeung salakina memeh diserahkeun.

Sengserang panon; parawan atawa bujang nu keur meujeuhna resep nenjo resep naksir.

Tengah tuwuh; jalma nu umrna kira-kira 40-45 taun.

Turun amis cau; parawan nu mimiti beger.

(Nyutat tina Peperenian)