Kaulinan ambil-ambilan, merlukeun batur nu loba. Dua urang pahareup-hareup, tuluy leungeuna masing-masing pacekel-cekel bari rada dikaluhurkeun. Barudak nu sejenna ngantay bari silih cekel taktak (nu di tukang nyekel taktak nu panghareupna, jst). Barudak nu ngantay tea arasup ka sela-sela nu duaan, nu leungeunna geus pacekel-cekel. Kituna teh bari kakawihan:
Ambil-ambil hayam turuktuk hayam samanti
saha nu diambil
kami mah budak pahatu
purah nutu purah ngejo
purah ngasakan baligo
purah nunggu bale gede
nyerieun sukuna kacugak ku kaliage
aya uubarna urat gunting sampurage
tiguling nyocolan dage
Barang nu pandeuri geus aya di hareupeun nu duaan, terus dikurungan (ku leungeun nu dika bentang?luhurekeun tea) bari terus ditanya "rek milih mana?bulan atawa ceuk nu duaan. Lamun nembal milih bulan kudu terus ngaleos (nyalingker) ka beulah katuhu, lamun bentang ka beulah kenca. Lamun nu ngantay geus kabeh marilih (naha ka kenca atawa ka katuhu), gundukan kenca jeung gundukan katuhu teh tuluy ssilih cekel, silih betot. Nu Eleh nya eta nu kabetot sarta sok terus dibawa lumpat. Di sawatara tempat kaulinan model kieu sok disebut oge "Bulan Bentang".
Tidak ada komentar:
Lebetkeun Komentar Pangersa