Babad Sumendang

Ujaring carita, jaman baheula di Sumedang aya hiji karajan gede nu katelahna Karajaan Sumedang Larangan. Rajana nu kaceluk ka awun-awun kakoncara ka janapria. Prabu Geusang Ulun jenenganana. anjeuna pohara gagahna, adil tur wijaksana. Rahayatna makmur negeri oge subur.

Parbu Geusan ulun ge kasohor kapinteranana sarta kaparigelanana dina elmu santika. GEusan Ulun teh lain dapon ngaran wae, tapi hiji ngaran anu ngandung ma'na kacida alusna, geusan hatina tempat, ulun artina jalma anu dipenta tulung.

Maluruh silsilahna mah, Prabu GeusanUlun teh masih turunan Prabu Siliwangi ti Karajaan Pajajaran. Geusan Ulun teh putrana Pangeran Santri ti Ratu Pucuk Umun. Ari Ratu Pucuk Umun putrina Sunan Corenda ti Ratu Nyi Mas Patuakan. Sedengkeun Sunan Corenda putrana Guru Gantangan. Guru Gantangan teh putrana Prabu Siliwangi.

Puseur kota Karajaan Sumedang Larang teh nya eta Kutamaya. Eta karajaan dikurilingan ku gunung, di beulah kaler diwatesanan ku Gunung Gede (Gunung Tampomas), sarta diapit ku dua pasir jeung walungan Cipeles nu ngaliwatan puseur dayeuh karajaan. 

Dina hiji waktu, Prabu Geusan Ulun nu kawentar cerdas teh angkat ka Demak. Samulihna tolab elmu agama ti Demak, Prabu Geusan Ulun teh langsung ka Karajaan Sumedang Larang, nanging sindang heula ka Cirebon, ngaluuhan pangankir Raja Cirebon. Maksad Raja Cirebon ngangkir Prabu Geusan Ulun seja ngaderes elmuning agama. Raja Cirebon kataji ku kajembaran elmuning agama Prabu Geusan Ulun.

Nalika Prabu Geusan Ulun aya di Karajaan Cirebon, kaleresan patepanga sareng Permaisuri Cirebon. Kalayan parentah raja, permaisuri kedah ngawulaan Prabu Geusan Ulun. Eta permaisuri teh bet teu kuhanteu aya pikir ka dua leutik ka Prabu Geusan Ulun. Bakating ku kacida bogohna, et apermaisuri teh ngancam ka Prabu Geusan Ulun.

ningali galagat permaisuri jiga kitu teh ati diropea mimitina mah. Dilayanan ge bakal moal pihadeeun, sarta bakal ngadatangkeun bencana sarta aeb karajaan. Ari permaisuri, ngarasa kapalayna diapilainkeun teh kalahka malik ngancam ka Prabu Geusan Ulun. Permaisuri rek nelasan pati dirina mun kapalayna teu kabiruyungan.

Lila-lila mah galagat kitu teh kapendak ku Embah Jaya Perkosa. Lajeng Embah Jaya Perkosa nyarios ka Prabu Geusan Ulun, cenah leuwih hade dibawa we eta Ratu Haribaya teh ka Sumedang Larang. Sabab lamun ditinggalkeun manehna bakal nilasan patina, nu ahirna nyalahkeun ka Prabu Geusan Ulun. Nya mending dibawa, paling oge Karajaan Cirebon nyusulan. Nya ahirna Ratu Harisbaya teh dibawa ka Sumedang Larang.

Enya we naon anu diramalkeun ku Embah Jaya Perkosa teh ngabukti. Teu kungsi lila pasukan Karajaan Cirebon teh aya maksud ngajorag ka Karajaan sumedang Larang. Tapi tacan oge nepi ka wates Karajaan Sumedang Larang, di satengahing jalan eta psuna teh dihadang opat pangawal Prabu geusan Ulun. Ukur dilawan ku opatan, kabeh pasukan Karajaan Cirebon taya nu manggapulya. Katurug-turug di pihak Karajaan Sumedanga Laranga aya Sayang Hawu anu mingpin pasukan sarta leber wawanenna.

Selang sasabaraha waktu, Karajaan Cirebon ngajorag deui Karajaan Sumedang Larang, sanggeus leuwih tiheula ngirimkeun sababaraha urang mata-mata. Der wae harita mah perang campuh naker, itu ieu pada kuat, ma'lum eta dua karajaan geus sayaga samemehna.Korban tingjarungkel, nu tatu parna tingjaloprak kuda tingalabret kalabur, trang-treng-trong sora pakarang anu patingaradu, katit pating burinyay, nu rubah pating garerung.

Lantaran eta pasukan nu campuh teh pada kuat.Ahirna perang dieureunkeun. Dua karajaan milih jalan damey. Nya diayakeun musawarah nyaritakeun poko pasualanana. Harisbaya nu jadi bibit buit pacengkadan teh keukeuh teu daekeun deui balik ka Cirebon. Antukna Girilaya ge teu bisa majar kumaha, ngarelakeun permaisurina dipigarwa ku Prabu Geusan Ulun.

Girilaya teu nyerenkeun Haribaya kitu wae. Pikeun gantina Geusan Ulun kudu nyerahkeun Majalengka jadi bagian kakawasaan Karajaan Cirebon.

Ti harita Puseur kota Karajaan Sumedang Larang dipindahkeun ti Kutamaya ka Dayeuh Luhur. Pindahna ka Dayeuh Luhur didadasaran ku anjuran para panglima perang Karajaan Sumedang Larang, nyaeta pikeun ngahadang pasukan Karajaan Cirebon saupama jalir janjina.

(Nyutat tina Gentra Basa Sunda; Drs. Dingding Haerudin, M.Pd)