Balap Lumpat

Laras : Salendro
Gerakan : Gandang
Sanggian/Rumpaka : Mang Koko

Balap lumpat patarik-tarik lumpatna
Balap lumpat paheula-heula tepina
Hiji dua barudak sadia
Tilu bareng lumpat paheula-heula
Lumpat tarik bebeakan
Muru kalang pameunangan

Lumpat tarik meakeun tanaga
Embung kasor hayang datang pangheulana
Lumpat tarik tungtungna sok lempoh
Silih susul ambekan ha he hoh
Nincak kalang pameunangan
Surakna ayeuh-ayeuhan

Balap lumpat papada hayang ti heula
Balap lumpat museurkeun tanaga
Lumpat cape beakeun tanaga
Lesu ngaclek nyusul teu kaduga
Lumpat nyisi dodongkoan
Ku baturna dikeprokan