Galah
Kaulinan galah merlukeun batur nu loba (paling saeutik dalapan urang; dua regueun)> Kitu deui kaulinan galah merlukeun tempat (buruan) anu lega. Samemeh prung maen. salah saurang nyieun heulaa gurat pasagi opat anu lega, biasana sok make rokrak nu diguratkeun kana taneuh, atawa lebu diawurkeun. Gurat pasagi opat teh tengahna digurat deui tepi ka ngajanggelek opat kotak. Cara maenna, regu nu hiji jaga di unggal gurat (kalang), sedeng regu nu hiji deui maen, nyaeta ngumpul di hiji kotak, terus lumpat ka kotak sejen bari teu katoel, teu katepak, maenna teu bisa terus sarta kudu dipasrahkeun ka regu nu juga, jst.Lamun teu katepak ku nu jaga tur bisa asup ka kotak sejenna sarta bisa balik deui ka kotak asal (pangbalikan) disebutna "asin", hartina meunang hiji (hiji-enol) ti regu lawan, jst.
Galah Bandung
Beda jeung galah biasa, galah bandung teu merlukeun tempat anu lega. Kitu deui prak-prakan maena oge estu beda. Nu maena cukup tiluan (biasana budak awewe). Lamun Si A maen, Si B jeung Si C ngjaga. Cara ngajagana, nayeta: Si B jeung Si C diuk pahareup-hareup bari ngalonjorkeun suku duanana. diukna rada ngadayagdag ka tukang ditunjel ku dua leunngeun. Suku anu dilonjorkeun tea dampalna dipatumpangkeun ka luhur. ari Si A nu maenna, ngaluncatan dampal nu patumpang tea. Lamun ngajlengna lancar, diteruskeun kana babak ka dua. dina bababk ka dua suku nu ngajaga rada ngajegang ka luhur (jadi leuwih hese diluncatanana). lamun din babak ka hiji Si A teu lancar ngaluncatna, upamana nyanggut kana suku nu ngajaga, lasut disebutna, sarta Si B nu kudu maen. Dina babak ka tilu, nu maen kudu cingogo di luareun kalang, geus kitu sabisa-bisa kudu bisa ngagoler di jero kalang. Awak teu kaci antel atawa nggaris kana suku nu ngajaga.
(Nyutat tina Peperenian; Drs. Ahmad Hadi Spk.)
Tidak ada komentar:
Lebetkeun Komentar Pangersa